ఎన్విడియా సీఈఓ జెన్సన్ హువాంగ్పై చైనా గూఢచర్య ఆరోపణలు.. ఎఫ్బీఐ దర్యాప్తు, షేర్హోల్డర్ల దావా

అసలు వివాదం ఏమిటంటే.. ఆలిస్ హువాంగ్ అనే చైనా మహిళతో జెన్సన్ హువాంగ్కు సన్నిహిత సంబంధాలున్నాయని, ఆమె చైనా నిఘా వ్యవస్థకు సమాచారం అందించిందని గతంలో వార్తలు వచ్చాయి. ఆమె సింగపూర్కు చెందిన మెగాస్పీడ్ సంస్థలో పనిచేసిన మాజీ ఎగ్జిక్యూటివ్గా గుర్తించారు. ఈ సంస్థ ఎన్విడియా ఏఐ చిప్ల కొనుగోలుదారుల్లో ఒకటి.

చైనాకు వెళ్లకూడని అత్యాధునిక చిప్లను అక్కడికి చేరవేసే ప్రయత్నాలపై కూడా అమెరికా అధికారులు నిఘా పెట్టారు. ఈ ఆరోపణల నేపథ్యంలో ఎన్విడియా బోర్డు స్వతంత్ర దర్యాప్తునకు ఆదేశించింది. అమెరికా జాతీయ భద్రతకు లేదా కంపెనీ రహస్యాలకు నష్టం జరిగిందని భావించడానికి ప్రస్తుతం తమ వద్ద ఆధారాలు లేవని ఎన్విడియా తెలిపింది. అయినప్పటికీ అన్ని అంశాలను పరిశీలిస్తామని స్పష్టం చేసింది.

మరోవైపు జెన్సన్ హువాంగ్ తన ఉద్యోగులకు పంపిన సందేశంలో భార్యకు నమ్మకద్రోహం చేసిన విషయాన్ని అంగీకరించి క్షమాపణలు చెప్పారు. తన చర్యల వల్ల భార్య, పిల్లలు బాధపడ్డారని, అందుకు పూర్తి బాధ్యత తనదేనని పేర్కొన్నారు. అయితే, ఈ వ్యక్తిగత సంబంధం గూఢచర్యానికి సంబంధించిన ఆరోపణలను నిరూపించదు.

ఇదిలా ఉండగా, కంపెనీ మరియు సీఈఓ పెట్టుబడిదారులకు కీలక సమాచారాన్ని వెల్లడించలేదంటూ షేర్హోల్డర్లు అమెరికా కోర్టులో దావా వేశారు. సోమవారం ఎన్విడియా షేర్లు 4.3 శాతం పడిపోవడంతో కంపెనీ మార్కెట్ విలువలో సుమారు 190 బిలియన్ డాలర్లు తగ్గినట్లు రాయిటర్స్ నివేదించింది.

చైనా మాత్రం గూఢచర్య ఆరోపణలను నిరాధారమైనవిగా కొట్టిపారేసింది. ఈ వ్యవహారంపై అమెరికా దర్యాప్తు, ఎన్విడియా బోర్డు విచారణ, పెట్టుబడిదారుల దావా ఎలాంటి మలుపులు తిరుగుతాయన్నది ఇప్పుడు టెక్నాలజీ ప్రపంచంలో ఆసక్తిని రేకెత్తిస్తోంది.

ఎన్విడియా సీఈఓ జెన్సన్ హువాంగ్పై చైనా గూఢచర్య ఆరోపణలు వచ్చాయి. ఆయనకు చైనా మహిళ ఆలిస్ హువాంగ్తో సంబంధాలున్నాయని, ఆమె నిఘా వ్యవస్థకు సమాచారం అందించిందని వార్తలు వస్తున్నాయి. ఈ నేపథ్యంలో ఎఫ్బీఐ దర్యాప్తు చేస్తోంది. కంపెనీ బోర్డు స్వతంత్ర విచారణకు ఆదేశించింది. ఈ వివాదం కారణంగా ఎన్విడియా మార్కెట్ విలువలో 190 బిలియన్ డాలర్లు తగ్గినట్లు నివేదికలున్నాయి.