మద్దూరు, 12 November
మండలంలోని నర్సాయపల్లి గ్రామ పంచాయతీలో భూమి రీ సర్వే కార్యక్రమంపై గ్రామ సభను నిర్వహించారు. తెలంగాణ ప్రభుత్వం ప్రతిష్టాత్మకంగా చేపట్టిన ఈ కార్యక్రమం ద్వారా ప్రతి రైతుకు భూ ఆధార్, సర్వే మ్యాప్ అందించనున్నట్లు అధికారులు తెలిపారు.
మండలంలోని నర్సాయపల్లి గ్రామ పంచాయతీలో భూమి రీ సర్వే కార్యక్రమంపై గ్రామ సభను నిర్వహించారు. మండల సర్పంచుల ఫోరం అధ్యక్షులు, సర్పంచ్ శనిగరం సత్యనారాయణ ఆధ్వర్యంలో తెలంగాణ ప్రభుత్వం ప్రతిష్టాత్మకంగా చేపట్టిన భూమి రీ సర్వే కార్యక్రమంపై ఈ గ్రామ సభ జరిగింది. భూ భారతి చట్టం అమలులో భాగంగా ఈ కార్యక్రమం చేపట్టారు. ఈ కార్యక్రమంలో హుస్నాబాద్ ఆర్డీవో రామ్మూర్తి మాట్లాడుతూ, భూముల సర్వే నిజాం ప్రభుత్వం కాలంలో మొదటిసారిగా జరిగిందని తెలిపారు. ఇప్పుడు భూమి రీ సర్వే చేసి ప్రతి రైతుకు భూ ఆధార్, సర్వే మ్యాప్ ఇవ్వనున్నట్లు వెల్లడించారు. ఈ కార్యక్రమంలో మండల తహశీల్దార్ రహీం, గీర్దావర్ కృష్ణ, సర్వేయర్ గంగాధర్, పంచాయతీ కార్యదర్శి భాస్కర్, గ్రామ పరిపాలన అధికారి రవి, గ్రామ రైతులు, ప్రజలు, గ్రామ పంచాయతీ సిబ్బంది తదితరులు పాల్గొన్నారు.