సమావేశంలో (ఆజాద్ తెలంగాణ) నవంబర్ 07
ఖమ్మం, భద్రాద్రి జిల్లాల్లో 34 వేల ఎకరాలకు పైగా పంట నష్టం జరిగినా ప్రభుత్వం నివేదిక పంపడంలో విఫలమైందని బీఆర్ఎస్ నేతలు విమర్శించారు. తక్షణమే ఎకరాకు రూ.50 వేలు పరిహారం ఇవ్వాలని డిమాండ్ చేశారు. ఖమ్మం జిల్లా బీఆర్ఎస్ పార్టీ కార్యాలయంలో ఏర్పాటు చేసిన మీడియా సమావేశంలో ఈ వ్యాఖ్యలు చేశారు.
ఖమ్మం జిల్లా బీఆర్ఎస్ పార్టీ కార్యాలయం తెలంగాణ భవన్ లో ఏర్పాటు చేసిన మీడియా సమావేశంలో ముసురు తుఫాను నష్టాలపై బీఆర్ఎస్ నేతలు ప్రభుత్వాన్ని తీవ్రంగా విమర్శించారు.
ఈ రాజ్యసభ సభ్యులు వద్దిరాజు రవిచంద్ర, మాజీ ఎమ్మెల్యే సండ్ర వెంకట వీరయ్య, మాజీ జడ్పీ చైర్మన్ లింగాల కమల్ రాజు మాట్లాడారు.
సండ్ర వెంకట వీరయ్య
ఉమ్మడి ఖమ్మం జిల్లాలో వరి, పత్తి, మిర్చి పంటలు తీవ్రంగా దెబ్బతిన్నాయని, అధికారికంగా నేటికీ సర్వే లేదన్నారు. ఖమ్మం జిల్లాలోనే 32 వేల ఎకరాలకు పైగా నష్టం జరిగితే, వ్యవసాయ శాఖ మాత్రం 23,140 ఎకరాలే అని చూపడం దారుణమన్నారు. క్యాబినెట్ లో పంట నష్టంపై చర్చించకుండా గ్లోబల్ సమ్మిట్ పై చర్చించడం శోచనీయమన్నారు. సత్తుపల్లి నియోజకవర్గంలో కల్లూరు, పెనుబల్లి, తల్లాడ, వేంసూర్, అశ్వారావుపేట, దమ్మపేట మండలాల్లో తీవ్ర నష్టం జరిగిందన్నారు. డబుల్ బెడ్ రూమ్ ఇళ్లు నీట మునిగినా ప్రభుత్వం స్పందించలేదని మండిపడ్డారు. కరువుతో రైతులు అల్లాడుతుంటే మంత్రులు హెలికాప్టర్లలో విహారయాత్రలు చేయడం, ఎలాంటి హోదా లేని వ్యక్తులు కూడా సింహం దిగింది అంటూ రీల్స్ చేసుకోవడం ప్రజాధన దుర్వినియోగమని అన్నారు.
వద్దిరాజు రవిచంద్ర
ఖమ్మం, భద్రాద్రి జిల్లాల్లో 34 వేల ఎకరాలకు పైగా పంట నష్టం జరిగినా ప్రభుత్వం నివేదిక పంపడంలో విఫలమైందని అన్నారు. జిల్లాకు చెందిన ముగ్గురు మంత్రులు తుమ్మల నాగేశ్వరరావు, పొంగులేటి శ్రీనివాసరెడ్డి, భట్టి విక్రమార్క ఉన్నా రైతులకు న్యాయం జరగడం లేదన్నారు. తక్షణమే ఎకరాకు రూ.50 వేలు పరిహారం ఇవ్వాలని డిమాండ్ చేశారు.
లింగాల కమల్ రాజు
ఎల్-నినో ప్రభావంతో కరువు అని ప్రభుత్వమే ప్రకటించి, ఇప్పుడు తుఫానుతో పంటలు మునిగినా ఆదుకోవడం లేదన్నారు. సీసీఐ కేంద్రాలు లేక రైతులు ప్రైవేట్ వ్యాపారుల చేతిలో మోసపోతున్నారని, కరువు మండలాలకు ఉపశమన చర్యలు చేపట్టాలని కోరారు.
తడిసిన, రంగుమారిన, మొలక వచ్చిన ప్రతి గింజను ప్రభుత్వమే కొనాలని, కొనుగోలు కేంద్రాలను వెంటనే ఏర్పాటు చేయాలని డిమాండ్ చేశారు.
ఈ మండల పార్టీ అధ్యక్షులు బెల్లం వేణుగోపాల్, కనగాల వెంకటరావు, బొమ్మెర రామ్మూర్తి, డోకుపర్తి సుబ్బారావు, లింగనబోయిన సతీష్, బలుసు మురళీకృష్ణ, మహమ్మద్ రఫీ, చీకటి రాంబాబు తదితరులు పాల్గొన్నారు.
